برس ئێك ژمەسترين ئاريشايە لجيهانێ. بەلێ دشياندايە بهێتە چارەسەركرن. رێكخراوا (Welthungerhilfe) هزر دجيهانەكێ دا دكەت هەر كەس تێدا ژيانەكا ئاسودە ودادپەروەرانە وبێ برس وهەژارى بژيت.
ئارمانجا ستراتيجى يا رێكخراوا (Welthungerhilfe) "نەهێلانا برسێ يە لهەر جهەكى تێدا كاربكەين هەتا سالا ٢٠٣٠"، لدويڤ ئارمانجا دووێ يا نەتەوێن ئێكگرتى لدور گەشەپێدانا بەردەوام. برێكا كاركرنا ژنيزيك دگەل هەڤپشكێن خومالى، مە دڤێت برسێ بدوماهيك بينين ژبۆ بەرژەوەنديا هەمى وەلاتێن تێدا كاردكەين. مەرەم ژكارێن مە باشتركرنا ئاسويێن نەويێن نوكە وپاشەروژێ يە وهاريكرنا وانە بۆ بدەستڤەئينانا ژينگەهێن تەندروست وجڤاكێن دادپەروەرانە.
رێكێن بدوماهيك ئينانا برسێ
ئەم شەرێ برسێ دكەين لجيهانێ دپێخەمەت ئاسايشا خوراكێ يا بەردەوام. برێكا چاندنا دجهدا وبدەستڤەئينانا ئاڤا پاقژ ووزەيێ دوست بۆ ژينگەهێ، وباشتركرنا بوارێ تەندروستى وخاندنێ وگەشەپێدانا ئابورى.
راهێنانا سەركێش + LANNخێزانێن گوندا دشێن ئاسايشا خوراكێ بجهبينن. ئەم گەلەك تەكەز دكەين لسەر بەشداركرنا ئافرەتا دپروسێن وەرگرتنا برِيارێن گرنگ.
ئەم تەكەز دكەين لسەر چاندنا دجهدا بۆ پشتەڤانيكرنا جوتيارێن خودان زەڤيێن بچويك بۆ چاندنا دەرامەتێن بەرهەمەكێ مەزن هەبيت وبمفابن بۆ نەهێلانا برسێ وهەژاريێ ودگەل دابينكرنا ژێدەرێن سروشتى.
هەروەسا رێكخراوا (Welthungerhilfe) كاردكەت لسەر شياندنا جڤاكا برێكا شێوازێن لسەر بنەمايێ بازارى داكو خەلك بشێن بەردەواميێ ب ژيانا خۆ بدەن ب پشت بەستن ب بەرهەمێن خۆ يێن چاندنێ. مە هەروەسا هاريكارى كريە دپێشڤەبرنا پروژێن پيڤەرێن ئاسايشا خوراكێ داكو مافێ خێزانێن گوندا نەهێتە پێشێلكرن دخارنێ ژبەر داخازا نيڤدەولەتى وبازرگانيێ لسەر كەل وپەلێن چاندنێ.
پروژێن رێكخراوا (Welthungerhilfe) شيانێن خۆراگريێ بهێزدكەن لوەلاتێن داخباربووين ب هەڤركيا وگهورينێن سەقاى. پروسێن فرياگوزارى لحالەتێن هەوارهاتنێ يێن ماوە كورت گرێداينە ب بەرنامێن پێشڤەبرنێ يێن ماوە درێژ دپێخەمەت بەرهەڤەكرنا جڤاكا بشێوەكێ باشتر بۆ بەرسينگرتنا قەيرانێن پاشەروژێ.
رێبازا رێكخراوا (Welthungerhilfe) كو رادبيت لسەر مافێن مروڤى، جڤاكێ سڤيل بهێزدكەت لسەر ئاستێ مللى برێكا سەرەدەريكرنێ دگەل كەسێن فەراموشكرى وەك خودان ماف (ونەوەرگرێن هاريكاريێ) ودابينكرنا ئاميرێن پێتڤى بۆ وان بۆ داخازكرنا مافێ خۆ يێ مروڤايەتى دخارنێ بشێوەكێ چالاك ودابينكرنا گەهشتنا وان بۆ عەردى وئاڤێ وتوڤى.
هەروەسا ئەم پشتەڤانيا رێكخراوێن نەحكومى دكەين يێن كاردكەن بۆ گهورينا كاودانێن سياسى برێكا هاندانا ديالوكێ بشێوەكێ يەكسان دناڤبەرا گروپێن جڤاكێ سڤيل ووەرگرێن برِيارا سياسى ووەبەرهێنەرا.
بزاڤا بدەستڤەئينانا ئوتونوميێ
ئارمانجا مە باشتركرنا ژيانا خەلكى يە دماوێ درێژدا. لەورا، ئەم كاردكەين لدويڤ پرنسيپێ "هاريكارى ژبۆ هاريكاريا خۆيەتى". بەرنامێن مە يێن هاتينە دارشتن بۆ شياندنا خەلكى بۆ كونترولكرنێ لسەر ژيانا خۆ وبكارئينانا مافێ خۆ يێ مروڤايەتى دخارنێ.
رێبازا رێكخراوا (Welthungerhilfe) پشت بەستنێ ناكەت ب چالاكيێن پروژەى يێن دياركرى وچالاكيێن پشتەڤانيا سياسى بتنێ، بەلكو هەروەسا پشت بەستنێ دكەت ب ئەنجامێن دهێنە پيڤان وبەرپرساتيێ بەرامبەر هەڤپشكا وپارەبەخشا وكەسێن لدەڤەرێن پروژەى دژين.
دوماهى ئينان ب برسێ ددەستێ مە دايە بۆ جارا ئێكێ دديروكێ. وەكى گەلەك پشكدارێن هەڤكاريا گەشەپێدانێ، ئەم هيڤيدارين روژەك بهێت پێتڤى ب كارێ مە نەمينيت. مە هاريكارى كر دبجهئينانا ڤێ ديتنێ ومە بەشداريكر دخەباتێ دپێخەمەت جيهانەكا بێ برس.
