بو ناڤەرۆکێ

لدور رێكخراوا (Welthungerhilfe)

© Welthungerhilfe
© Welthungerhilfe

رێكخراوا (Welthungerhilfe) خۆ تەرخان كريە بۆ خەباتێ دپێخەمەت جيهانەكا بێ برس برێكا چارەسەركرنا هۆكارێن وێ. وەك رێكخراوەكا سەربخو ژلايێ سياسى وئاينى، دهێتە هژمارتن ئێك ژمەسترين رێكخراوێن هەوارهاتنێ ل ئەلمانيا.

پێرابوونێن مە لدويڤ پرنسيپێ "هاريكارى دپێخەمەت هاريكاريا خۆيەتى" دچيت ودگونجێن دگەل ئارمانجێن نەتەوێن ئێكگرتى لدور گەشەپێدانا بەردەوام: " نەهێلانا برسێ هەتا سالا ٢٠٣٠". ب هەڤكاريەكا موكم دگەل هەڤپكشێن خومالى، ئەم دشيێن هارى جڤاكا بكەين دا کو بشێن دەركەڤن ژخەلەكێن برسێ وهەژاريێ، دگەل هەبوونا كارتێكرنا بەرچاڤ ودەستپاكيێ وبەرپرساتيێ.

ژسالا ١٩٦٢، رێكخراوا (Welthungerhilfe) كاردكەت ل ٧٠ دەولەتا دگەل رێكخراوێن هەڤپشك يێن نشتيمانى ونيڤدەولەتى بۆ هاريكرنا خەلكى كونترولا ژيانا خۆ بكەن ودابينكرنا مافێ وان دخارنێ بشێوەكێ بەردەوام. نوكە، پتر ژ ٢٤٥٠ فەرمانبەرا ٦٧ دەولەتا پتر ژ٤٠٠ پرژوا ئەنجام ددەن ل ٣٧ دەولەتا.

رێكخراوا (Welthungerhilfe) پروسێن هەوارهاتنێ گرێددەت دگەل دووبارە شياندنێ وگەشەپێدانا ماوە درێژ بۆ دابينكرنا پێتڤيێن دياركرى يێن خەلكى يێن سەرەدەريێ دكەن دگەل هۆكارێن جياوازێن برسێ.

ئەم ب توندى پێگيريێ دكەين ب زەلاليێ وبرێڤەبرنا كواليتيێ. پێرابوونێن وەكى ياسايێن رەفتارێ يێن رێكخراوا (Welthungerhilfe) وپروسێن برێڤەبرنا كواليتيێ وراپورتا سالانە مسوگەر دكەن كو پارێن پارەبەخشا مەسترين كارتێكرنا هەى لسەر جڤاكێن ئەم دگەل كاردكەين.

پەيكەرێ رێكخراوێ

هەر سەروكەكێ ئەلمانيا دبيتە سپونسەرێ فەخرى يێ رێكخراوا (Welthungerhilfe) ژدەمێ دامەزراندنا رێكخراوێ. سەروكێ رێكخراوا (Welthungerhilfe) وئەندامێن دى دجڤاتا سەرپەرشتيێ نوينەراتيا رێكخراوێ دكەن لدەرڤە وشيرەتا پێشكێشى جڤاتا بجهئينانێ دكەن. جڤاتا بجهئينانێ ب دەوامەكا تمام هەمى چالاكيێن رێكخراوا (Welthungerhilfe) برێڤەدبەت.

سەروك وئەندامێن جڤاتا كارگێرى لدويڤ پەيرەوێ نافخو وبرِيارێن كومەلەيا گشتى يا رێكخراوا (Welthungerhilfe) دچن. ئەندام، سەروكێ پەرلەمانێ فيدرال، سەروكێن گروپێن پەرلەمانى يێن ئەلمانى، كەنيسا، وكومەلەيا وگروپێن دى بخۆڤە دگريت.

جڤاتا باوەرپێكريا يا خۆبەخش سەرپەرشتيێ دكەت لسەر جڤاتا سەرپەرشتيێ وجڤاتا بجهئينانێ سەبارەت پرسێن پەيوەنديێن گشتى وبازاركرنێ، وليژنا راوێژكارى يا بەرنامەى بەرپرسى ژپرسێن گرێداى ب سياسەتا بەرنامەى.