برێکا هەڤکاریەکا موکم دگەل هەڤپشک ودەستهەلاتێن نیڤدەولەتی وخومالی، رێکخراوا وهه رادبیت ب شیاندنا خەلکێ داکو دەرکەڤن ژ برسێ وهەژاریێ، بکارتێکرنەکا بەرچاڤ ودەستپاکی ولێپرسینێ. لسالا ٢٠١٩ بتنێ رێکخراوا وهه بشێوەیەکی راستەوخو پشتەڤانیا پتر ژ ١٨ هزار کەسان کریە (٢٠٩٦٢٧ کەسا بشێوەیەکی نە راستەوخو) – ژ زەلاما وژنکا وزاروکا ل گوند وباژێرکێن دەڤەرێن شنگار وتلەعفەر وتلکێف دهوک وهەولێر ومیسل وحەمدانیە لپارێزگەها نەینەوا.
ژهاریکاریێن هەوارهاتنێ بو دووبارە شیاندنێ ومرونەتێ:
ئارمانجا رێکخراوا وهه زێدەکرنا هاریکاریێن مروڤایە تی یە وگرێدانا وانە ب گەشەپێدانێ. ئەم کاردکەین دهەمی بوارێن دووبارە شیاندنێ. و ژوان پروسێن دوبارە ئاڤەدانکرنێ یێن سەرەکی بو بنگەهێن خزمەتێ و ژێرخانا جڤاکی، وەکی بجهئینانا چاڵاکیێن پارە بەرمبەر کاو وەک رێکەک بو دابینکرنا هاریکاریێن بلەز بو جڤاکا بشێوەکی گونجاو.
هەروسا دووبارە شیاندن پەیداکرنا دەریڤێن کاری ژی بخۆڤە دگریت، وپشکداریا راستەوخو دگەشەپێدانا ئابوری وبهێزکرنا مرونەتێ. ئەم ئافرەتێ دکەینە دسەنتەرێ کارێ خۆ برێکا پشتەڤانیکرنا وان دناڤ تیمێن خۆدا ومسوگەرکرنا تێکهەلکرنا ستراتیجیێن پاراستنێ دبەرنامێن خۆدا داکو دگونجای بن وئافرەتێن لاواز بشێن بگەهنێ.
هەر چار بەرنامێن لخارێ بوارێن تەرکیزا مە دنەهێلانا برسێ وهەژاریێ پێکڤە گرێددەن: هاریکاریا مروڤایەتی، ئاڤ، خزمەتێن تەندروستی وپاقژی وچاندن وژینگەه وگەشەپێدانا ئابوری.
لعيراقێ، برێكا چالاكيێن " پارە بەرامبەر كار"، ئەم رادبين ب دووبارە شياندنا ژێرخانا سەرەكى يا گشتى وتايبەت وەكى وێستگەهێن چارەسەركرنا ئاڤێ ووێستگەهێن پالدانا ئاڤێ وتۆرێن ئاڤێ. وداكو چالاكى گشتگيربن وەك پێتڤى، هەروەسا ئەم هاريكاريێن دارايى يێن نەمەرجدار پێشكێش دكەين بۆ كەسێن پەككەفتى وئافرەت وگەنجێن لاواز يێن دەريڤێن كارى بدەست نەكەڤن.
پاراستن گرێدايە ب سەلامەتى وكەرامەت ومافێن كەسێن زيانڤێكەفتى ژبەر كارەسات وهەڤركيێن چەكدار وبوويە تەوەرەكێ دى يێ چالاكيێن پروژێ مە لعيراقێ. تيمێن پاراستنێ هارى كەسێن پێتڤى دكەن برێكا مايتێكرنێ بۆ هاريكرنا وان بۆ تێگەهشتنا مافێن خۆ. وهەروەسا، ئەم روينشتنا ئەنجام ددەين بۆ زێدەكرنا هشياريێ لدور بابەتێن پەيوەنديدار وەكى خۆپاراستن ژئاريشێن دەرونى، هەڤژينيا زوى، مافێن مروڤى يێن سەرەكى.
رێكخراوا WHH پلانەكا خۆبەرهەڤكرنێ يا داناى بۆ حالەتێن تەنگاڤ وتيمەكێ خومالى يێ دامەزراندى بۆ بەرسڤدانا حالەتێن تەنگاڤ بۆ كێمكرنا ئەنجامێن نەرێنى يێن قەيران وكارەساتێن مروڤايەتى لدەمێ گونجاى وبشێوەكێ كاريگەر ورێكخستى.
بدەستڤەئينانا ئاڤا پاقژ وخزمەتێن تەندروستى وپاقژى مافەكە ژمافێن مروڤى ومەرجەكێ سەرەكى يە بۆ نەهێلانا برسێ وهەژاريێ. پروژێن خزمەتێن تەندروستى وپاقژيێ بشێوەكێ سەرەكى دكەڤنە گوندێن پارێزگەها نەينەوا.
ئەڤ پروژە كاردكەن لسەر باشتركرنا ژێرخانا ئاڤێ وخزمەتێن تەندروستى بشێوەكێ بەرفرەه وتەكەز دكەن لسەر دووبارە نويژەنكرنا دەزگەهێن خزمەتێن تەندروستى وپاقژيێ يێن قەبارە بچويك. هەروەسا، رێكخراوا WHH ژنيزيك كاردكەت دگەل دەستهەلاتێن خومالى وراهێنانێ پێشكێش دكەت بۆ ئاڤاكرنا شيانا,
برێكا روينشتنێن زێدەكرنا هشياريێ لسەر ئاستێ خێزانێ وجڤاكى، هاندانا كريارێن باش دكەين دبوارێ تەندروستى وپاقژيێ، وژوان برێڤەبرن/ وهشيارى لدور بێنڤێژبوونێ؟ بۆ كچكا لقوتابخانا.
برس بشێوەكێ بەرفرەه بەلاڤدبيت لدەڤەرێن دوير كو باراپتر خەلك خارنا خۆ وژيارا خۆ ژژينگەها سروشتى بدەستڤەدئينن. لعيراقێ، ئەم پشتەڤانيا ئاوارێن دزڤرنەڤە دكەين وهەروەسا جڤاكێ مێهڤاندار يێ لاواز بۆ زێدەكرنا شيانێن دبوارێ چاندنێ. رێكخراوا WHH شياندنا جڤاكا دكەت بۆ هاريكرنا خۆ دماوێ درێژدا، برێكا بكارئينانا شێوازێن رادبن لسەر بازارى يێن رێ ددەنە خەلكى بەردەواميێ بدەنە ژيارا خۆ ب پشت بەستن ب بەرهەمێن چاندنێ. برێكا دابينكرنا راهێنانا چاندنێ وكاريگەريێ دبكارئينانا ژێدەرا دبوارێ چاندنێ، ئەم بزاڤێ دكەين شياندنا خێزانێن گوندا بكەين بۆ دابينكرنا خارنا خۆ بشێوەكێ بەردەوام. نوكە ئەم هەروەسا وزەيا نوى دبيتەڤە پێشكێشى كەرتێ چاندنێ دكەين بۆ باشتركرنا بەرهەمئينانێ بشێوەكێ بەردەوام ودوست بۆ ژينگەهێ.
دگەل دانپێدانێ ب ئالوزيا پرسا نەهێلانا برسێ وهەژاريێ، رێكخراوا WHH هاندانا گەشەپێدانا ئابورى وفێربوونێ دكەت بۆ چارەسەركرنا هۆكارێن برسێ وهەژاريێ بشێوەكێ بەردەوام.
برێكا شێوازێن رادبن لسەر بازارى، پشكدارێن پروژەێ چاندنێ دشێن دەست ب بەرهەمئينانێ بكەن ودشێن بەرهەمێن خۆ يێن زێدە بفروشن بۆ بدەستڤەئينانا پارەى. ئابورى بشێوەكێ مەستر دهێتە باشتركرن برێكا دامەزراندن ودووبارە دامەزراندنا كارا لدەڤەرێن پروژەى، وگەنجێن بێكار دهێنە پشكداركرن برێكا بەرنامێن راهێنانا پيشەيى بۆ زێدەكرنا شيانێن وان ودامەزراندنا وان پشتى بدوماهيك هاتنا راهێنانا پيشەيى.
چالاكيێن گەشەپێدانا ئابورى ڤان خالا بخۆڤە دگرن:
- پێشكێشكرنا پارەى بۆ خودان كارێن خومالى وكومپانيێن ژنوى دهێنە دامەزراندن.
- راهێنان لسەر برێڤەبرنا كارا بۆ وەرگرێن پارەى.
- راهێنانا پيشەيى.
- دامەزراندنا كەسێن راهێنانێ دكەن دكومپانيێن پشكدار.
Selected projects in Iraq
