قەبارە وشێوازێ ئاوارەبوونێ وەل قەيرانا عيراقى كريە ببيتە ئێك ژمەسترين قەيرانا لجيهانێ وژهەميا پتر دهێتە گهورين. لسەرانسەرى وەلاتى، خەلك هاتنە نەچاركرن دەست ژمالێن خۆ بەردەن وژێدەرێن ژيارا خۆ لدويڤ خۆ بهێلن. هەڤركيا چەكدار وسالێن ئوپەراسيونێن لەشكەرى يێن بەردەوام وەل پشكەكا مەزنا خەلكى كريە دترس ونيگەرانيەكا بەردەوامدا بژين. برێكا هەڤكاريەكا موكم دگەل هەڤپشك ودەستهەلاتێن نيڤدەولەتى وخومالى، رێكخراوا WHH رادبيت ب شياندنا خەلكى داكو دەركەڤن ژحالەتێ برسێ وهەژاريێ، ب كارتێكرنەكا بەرچاڤ ودەستپاكى ولێپرسين.
هاریکاریا کەسێن ڤەگەریای ن بو جهێن خو - ئەڤروکە رێکخراوا WHH لعێراقێ
لدەمێ دەستهەلاتا داعش وسالێن درێژێن هەڤركيێ، ژێرخانا سەرەكى هاتە وێرانكرن. بۆ مليونەها كەسا، گەهشتن بۆ خزمەت وپێتڤيێن سەرەكى سنوردارە. ب بدوماهيك هاتنا هەڤركيێ لسالا ٢٠١٨، عيراق بەرەڤ دەولەتا پشتى هەڤركيێ چوو. گەلەك عيراقى زڤرينەڤە بێ كو بزانن وان خانيەك هەيە بۆ بزڤرن. رێكخراوا WHH وەك بەرسڤدان بۆ ڤێ رەوشێ نڤيسينگەهەكا هەرێمى دامەزراند لباژێرێ غازى عنتاب ل توركيا ونڤيسينگەهەكا نوينەراتيێ ل هەولێرێ/ هەرێما كوردستانێ (پشتى هنگى لدهوكێ) دبن سەرپەرشتيا نڤيسينگەها هەرێمى لسالا ٢٠١٤. وپشتى بەرفرەهبوونا پروسا لهەرێما كوردستانێ، لهەيڤا دەها ٢٠١٦ برِيار هاتە دان نڤيسينگەها نوينەراتيێ ببيتە نڤيسينگەهەكا هەرێمێ يا سەربخو ل هەولێرێ. نوكە تيمێ رێكخراوا WHH پێكدهێت ژ١٢٠ كارمەندا لسەر عەردى. وژسالا ٢٠١٤، رێكخراوا WHH پشتەڤانيا پتر ژ ٢٥٠هزار كەسا دكەت بشێوەكێ راستەوخو برێكا پروژێن خۆ لدەڤەرێن شنگار وتەلەعفەر وتلكێف ومويسل وحەمدانيە لپارێزگەها نەينەوا.
ژهاريكاريێ لحالەتێن هەوارهاتنێ بۆ كارتێكرنا ماوە درێژ
لڤان سالێن دوماهيێ، رێكخراوا WHH كارێ خۆ لسەر عەردى گوهارت ژهاريكاريا دەسپێكى يا هەوارهاتنێ لسالا ٢٠١٤ بۆ بەرنامێن بەردەوام وماوە درێژ يێن تەكەز دكەن لسەر دووبارە ئاڤاكرنێ وبجهئينانا سەقامگيريێ وبدەستڤەئينانا شيانێن خۆ راگرتنێ، وبتايبەتى لدەڤەرێن هژمارەكا مەزنا كەسێن ڤەگەرياى تێدا هەين وەكى پارێزگەها نەينەوا. وهەروەسا پشتەڤانيكرنا كەس وجڤاكێن زيانڤێكەفتى ژبەر هەڤركيێ ژبۆ دووبارە ئاڤاكرنا ژيانا خۆ. بەرنامێن مە يێن فرە كەرت هاريكاريێن مروڤايەتى، ئاڤ وخزمەتێن تەندروستى وپاقژيێ، چاندنا بەردەوام، پروژێن گەشەپێدانا ئابورى پێكڤە گرێددەت بۆ بجهئينانا ئارمانجا مە دنەهێلانا برسێ وهەژاريێ.
توند و تيژيێ بمليونا كەس نەچاركرن ماڵێن خۆ بهێلن
ل بهارا سالا ٢٠١٤ بتنێ، توندوتيژى بوو ئەگەرێ پێلەكا ئاوارەبوونا نافخويى ژپارێزگەها ئەنبار وهژمارەما مەزنا پەنابەرێن عيراقى بۆ دەولەتێن هەڤسى- ودماوێ چەند هەيڤەكا، ٢.٥ مليون كەس ژئێزدى وكورد وتوركمان ومەسيحى وعەرەبێن شيعە ئاوارەبوون دناڤ وەلاتى. سالێن هەڤركيا چەكدار دناڤبەرا سالا ٢٠١٥ وتەمموزا ٢٠١٧، وهەروەسا شەرێ مويسل كو نەه هەيڤا بەردەوامبوو، درێژترين شەرێ باژێرا ژدەمێ شەرێ جيهانى يێ دووێ، بوو ئەگەرێ پێلەكا دى يا ئاوارەبوونێ بۆ ٣،٤ مليون كەسێن سڤيل. خەلك بەرەڤ ئاراستەيێن جياواز لڤين، ولدەمەكى ب سەدان هزار كەس رەڤين ژمالێن خۆ، هەروەسا ب سەدان هزار كەسا زڤرينەڤ دەڤەرێن رزگاركرى. دوان سالا، كەسێن سڤيل توشى مەترسيێن مەزن بوون، ژبەر بومبەبارانكرنا فروكا، گوللێن توپا، تەقەكرنا دووئالى، ستێركڤان وتەقەمەنيێن نەهاتينە پەقاندن.
پتر پێتڤى بهاريكاريێن مروڤايەتى هەيە
هەتا ئەڤرو ژى، ب مليونا كەسا لسەرانسەرى عيراقێ دنالن ژئەنجامێن هەڤركيا چەكدار. ب دەهان هزار كەسا هاتنە كوشتن يان هنگافتن. هەر خێزانەكا زيانڤێكەفتى ژبەر شەرى بكێميڤە كەسەكێ ژدەستداى ژخێزانێ. هێژ ٦،٧ مليون كەس لعيراقێ پشت بەستنێ ب هاريكاريێن مروڤايەتى دكەن وهێژ ١،٥ مليون كەس ئاوارەنە دناڤ وەلاتێ خۆ.